ടി 20 ലോകകപ്പ്‌ മാറ്റിവെക്കുമോ?
ഇന്നറിയാം
ദുബൈ ആസ്‌ത്രേലിയ വേദിയാകേണ്ട ടി 20 ലോകകപ്പ്‌
മാറ്റിവെക്കുമോയെന്ന്‌ ഇന്നറിയാം. ഇന്ന്‌ ചേരുന്ന ഐ സി സി യോഗത്തില്‍ ഇത്‌
സംബന്ധിച്ച തീരുമാനമുണ്ടാകുമെന്നാണ്‌ റിപ്പോര്‍ട്ടുകള്‍. കൊവിഡ്‌ പശ്ചാത്തലത്തില്‍
വീഡിയോ കോണ്‍ഫറന്‍സിലൂടെയാകും യോഗം ചേരുക. നിലവില്‍ നിശ്ചയിച്ച പ്രകാരം ഒക്ടോബറിലും
നവംബറിലുമായാണ്‌ ടി20 ലോകകപ്പ്‌ നടക്കേണ്ടത്‌. എന്നാല്‍, കൊവിഡ്‌ വ്യാപനത്തിന്റെ
പശ്ചാത്തലത്തില്‍ ടൂര്‍ണമെന്റ്‌ സംഘടിപ്പിക്കുക എന്നത്‌ കടുത്ത വെല്ലുവിളിയാണ്‌.
ലോകകപ്പ്‌ അടുത്ത വര്‍ഷത്തേക്ക്‌ നീട്ടിവെക്കാന്‍ സാധ്യതയുണ്ടെന്നാണ്‌
റിപ്പോര്‍ട്ടുകള്‍.
ഐ സി സി യുടെ ലോകകപ്പ്‌ സംബന്ധിച്ച ഔദ്യോഗിക
പ്രഖ്യാപനത്തിനായി കാത്തിരിക്കുകയാണ്‌ ബി സി സി ഐ. ലോകകപ്പ്‌ നീട്ടിവെച്ചാല്‍,
ഒക്ടോബറിലും നവംബറിലുമായി ഐ പി എല്‍ നടത്താനാണ്‌ ബി സി സി ഐ
ആലോചിക്കുന്നത്‌.
നിലവിലെ സാഹചര്യത്തില്‍ ഇന്ത്യയില്‍ ഐ പി എല്‍
സംഘടിപ്പിക്കാന്‍ കഴിയില്ല. അതിനാല്‍, യു എ ഇയില്‍ വെച്ച്‌ നടത്താനാണ്‌
ആലോചന.
ബിസിസിഐ ക്രിക്കറ്റ്‌ ഓപ്പറേഷന്‍സ്‌ ജനറല്‍ മാനേജര്‍ സ്ഥാനത്ത്‌
നിന്ന്‌ സബാ കരീം രാജിവെച്ചു
ക്രിക്കറ്റ്‌ ഓപ്പറേഷന്‍സ്‌ ബിസിസിഐ ജനറല്‍
മാനേജര്‍ സ്ഥാനത്ത്‌ നിന്ന്‌ രാജിവയ്‌ക്കാന്‍ മുന്‍ ഇന്ത്യ വിക്കറ്റ്‌ കീപ്പര്‍ സാബ
കരീമിനോട്‌ ആവശ്യപ്പെട്ടു. ഇതിന്‍റെ അടിസ്ഥാനത്തില്‍ അദ്ദേഹം രാജി വച്ചു.
ഇന്ത്യയ്‌ക്കായി ഒരു ടെസ്റ്റും 34 ഏകദിനങ്ങളും കളിച്ച 52 കാരനായ കരീമിനെ 2017
ഡിസംബറില്‍ ബിസിസിഐ നിയമിച്ചു. ഇക്കാര്യത്തില്‍ ബോര്‍ഡ്‌ ഔദ്യോഗിക പ്രസ്‌താവന
ഇറക്കിയിട്ടില്ല, എന്നാല്‍ കരീമില്‍ ആഭ്യന്തര ക്രിക്കറ്റിനുള്ള ആസൂത്രണം
തൃപ്‌തികരമല്ലെന്ന്‌ മനസ്സിലായതിനാല്‍ ആണ്‌ രാജി
ആവശ്യപ്പെട്ടത്‌.
രാജ്യത്ത്‌ കോവിഡ്‌19 കേസുകള്‍
വര്‍ദ്ധിച്ചുകൊണ്ടിരിക്കുന്നതിനാല്‍ ആഭ്യന്തര ക്രിക്കറ്റ്‌ ഡിസംബറിന്‌ മുമ്‌ബ്‌
ആരംഭിക്കാന്‍ സാധ്യതയില്ല. സെപ്‌റ്റംബര്‍ മുതല്‍ നവംബര്‍ വരെ ഐപിഎല്‍
സംഭവിക്കുകയാണെങ്കില്‍, ആഭ്യന്തര ക്രിക്കറ്റ്‌ ഒരേ സമയം കളിക്കാന്‍ കഴിയില്ല.
പ്രസിഡന്റ്‌ സൗരവ്‌ ഗാംഗുലിയുടെ നേതൃത്വത്തിലുള്ള പുതിയ ഭാരവാഹികള്‍
ചുമതലയേറ്റതിനെത്തുടര്‍ന്ന്‌ ബോര്‍ഡിന്റെ ചീഫ്‌ ഫിനാന്‍ഷ്യല്‍ ഓഫീസര്‍ സന്തോഷ്‌
രംഗ്‌നേക്കറും കഴിഞ്ഞ വര്‍ഷം രാജിവച്ചിരുന്നു.
No comments:
Post a Comment